काठमाडौं । पाँच दलिय गठबन्धनको प्रमुख घटक नेपाली काङ्ग्रेसले आज गरेको चुनावी  घोषणा पत्र सार्वजनिकिकरण कार्यक्रममा गठबन्धनका प्रमुख नेता प्रचण्ड र माधव नेपाल अनुपस्थित भएका छन् ,काङ्ग्रेससँग सँगै मर्ने सँगै बाँच्ने कसम खाएर  एउटै गठबन्धन बनाएका पाँच दलभित्र किन एउटै घोषणा पत्र बन्न सकेन भन्ने सर्बसाधारणको प्रश्नको जवाफ अनुत्तरित नै रहने भएको छ। आज काङ्ग्रेसले जारी गरेको घोषणा पत्रबारे गठबन्धनको धारणा के हो भन्ने पनि स्पष्ट छैन। आज काङ्ग्रेसले एक्लै घोषणा पत्र जारी गरेर पार्टीको एकल घोषणापत्र सार्वजनिक गरिरहँदा अब गठबन्धनको साझा कार्यक्रमचाहिँ के हो ? भन्ने अन्यौल खडा भएको छ,आफैलाई दाउमा राखेर गठबन्धनको जुवा खेलिरहेको कांग्रेसले घोषणा पत्रमा नेकपा एस र माओबादी केन्द्रलाई  च्याँखेदाउको सामान्य अवसर समेत छोडेको छैन।घोषणा पत्रमा काङ्ग्रेसले ३ वर्ष मुनिका बालबालिका र ७३ माथिका ज्येष्ठ नागरिकको निःशुल्क उपचार गर्ने घोषणा गरेको छ।
आगामी निर्वाचनका लागि ५२ पेज लामो चुनावी घोषणापत्र जारी गर्दै कांग्रेसले यस्तो सङ्कल्प गरेको हो।

५ वर्षभित्र सबै नागरिकको ’स्वास्थ्य बिमा र बिमा मार्फत गम्भीर प्रकृतिका रोगको उपचारको सुनिश्चितता गर्ने उल्लेख गरेको छ। बिमा रकमको दायरा बढाइ १० लाख पुर्‍याइने लक्ष्य पनि लिएको छ।

आधारभूत बाहेकका सबै स्वास्थ्य सेवा बिमाबाट हुनेगरी सामाजिक स्वास्थ्य सुरक्षाका सबै कार्यक्रमलाई बिमामा एकीकृत गर्न आवश्यक नीतिगत र संरचनागत व्यवस्था गरिन पनि घोषणा गरेको छ।