१० कार्तिक काठमाडौ,चर्चित राजनीतिक विश्लेषक प्रा.डा.सुरेन्द्र के.सी.ले यश वर्षको भाइटीका ग्रहण गरेकाछन् ।कान्छी बहिनी रुबि कार्कीको हातबाट डा. केसीले आज ११:३७ बजे भाइटीका ग्रहण गरेकाछन् । चाडपर्वलाई साझा,र सामाजिक सदभाव कायम गर्ने माध्यमको रुपमा बुझ्नु पर्ने भन्दै डा.के.सी.ले पछिल्लो समय चाडबाडको नेपाली मौलिकता गुम्दै गएकोमा गहिरो चिन्ता व्यक्त गरेका छन्। नेपाली चाडपर्व र परम्परामाथि बाह्य आक्रमण र प्रभावले क्रमशः नेपाल र नेपालीलाई बिकृत र आडम्बरी नक्कलको दास बनाइरहेको भन्दै यस्तो स्थितीबाट बच्न नसके नेपाल र नेपालीको पहिचान क्रमशः थप सङ्कट ग्रस्त बन्दै जाने उल्लेख गरेका छन् । तिहारको अवसरमा डा.केसीले देश विदेशमा रहेका सबै नेपालीहरुलाई शुभकामना समेत व्यक्त गरेका छन्।