१३ मंसिर, काठमाडौं । मंगलबार बिहान सर्वोच्च अदालत अगाडि सेतो पहिरन लगाएर आएकी बिनु यादवले रातो रंगको घोल राखिएको बट्टा सर्वोच्चको गेटमा पोखेर न्यायको माग गरेकी छिन।
ॐ
श्रीमानबाट हिंसामा पर्दा पनि न्याय नपाएको भन्दै संघर्षरत उनले आज बिहान सर्वोच्च अदालत अगाडि रातो रंग फ्याँकेर विरोध जनाइन् ।
‘सबै बिक्यो, अदालत बिक्यो, न्यायाधीश बिक्यो, मैले कहाँबाट न्याय पाउने ? १६ दिने अभियान चलाइराख्दा खै पीडितलाई न्याय ?’
भन्दै उनले चर्को आवाजमा बिरोध जनाएकी थिइन्
सर्वोच्चको गेट अगाडि भेला भएका प्रहरीहरुले जारको पानी खन्याएर रातो रंग सफा गरेका थिए ।
बिनु यादवको मुद्दा पाटन उच्च अदालतमा विचाराधिन छ । उनले केही महिना अगाडि रामेछाप जिल्ला अदालतको इजलासमै विष सेवन गरेर आत्महत्या प्रयाससमेत गरेकी थिइन् ।अहिले प्रहरीले उनलाई गिरफ्तार गरेको छ।
