गैरआवासीय नेपाली संघ(एनआरएनए)को आगामी महाधिबेशनका लागि आइसीसी उपाध्यक्ष पदका लागि उम्मेदवारी घोषणा गरेका वर्तमान युवा उपाध्यक्ष राजु रेग्मी ‘राज’ले ८ संकल्पसहित आफ्नो उम्मेदवारी सार्वजनिक गरेका छन । यसपटकको अधिवेसनमा रेग्मीलाई उपाध्यक्षका शसक्त उम्मेदवारका रुपमा लिईएको छ ।

एनआरएनए अभियानमा सक्रिय रेग्मीले आफ्नो उम्मेदवारीसँगै आफ्ना संकल्प तथा उदघोष सार्वजनिक गरेका छन ।
कतारमा कर्मथलो बनाएका रेग्मी एनआरएनएमाझ परिचित मात्र छैनन्, एनआरएनएमा परिणाममुखी काम गर्ने व्यक्तिका रुपमा पनि आफुलाई स्थापित गराउन सफल भएका छन । उनले आफु विजयी भएको दिनदेखि नै चुनावको बेला गरेका प्रतिबद्धताहरु पुरा गर्न लागि पर्ने बताएका छन ।

मेरा प्रतिवद्धताहरुलाई घोषणा पत्रमा मात्रै सीमित नराखेर यहाँहरुले दिएको जिम्मेवारी पुरा गर्ने प्रण गर्दछु’, आफूलाई निर्वाचित गराउन अपिल गर्दै रेग्मीले आफ्ना संकल्प अभियन्ता, आम गैर आवासीय नेपाली, डेलिगेट्सलाई सार्वजनिक गरेका छन ।
सबैको साथ र सहयोगको पूर्ण विश्वासका साथ आगामी अक्टोवर १७ देखि २० तारिख सम्म काठमाडौँमा सम्पन्न हुन गइरहेको ११ औं महाधिवेशनमा उपाध्यक्ष पदमा उम्मेदवारी दिएको रेग्मीले सार्वजनिक गरेका छन । ‘हाम्रो यो पबित्र अभियान एवं हाम्रो मातृभूमिको हितको लागि मैले बनाएर हिडेंका कार्ययोजना र प्रतिवद्धतालाई सफल र परिणाममुखी बनाऊन यहाँहरु सवैको साथ र सहयोगको लागि हार्दिक अपील गर्दछु’, रेग्मीले भनेका छन ।

उपाध्यक्षका उम्मेदवार रेग्मीका ८ संकल्पहरु निम्न रहेका छन :

१ – सम्बृद्ध नेपालका लागि लगानी तथा पर्यटन प्रवर्द्दन ।

२ – व्यवस्थित, मर्यादित र सुरक्षित वैदेशिक रोजगार ।
३ – हाम्रो,राम्रो र प्रविधिमैत्री एनआरएनए ।
४ – महिला,युवा र नयाँ पुस्ताको । सशक्तिकरणःएनआरएनमा रुपान्तरण ।
५ – सम्बृद्ध नेपालका आधारः नागरिकता र मताधिकार ।
६ – प्राविधिक शिक्षा तथा युवा स्वरोजगार ।
७ – एनआरएनएको वैज्ञानिक परिभाषा एवं पारदर्शिता ।
८- नेपाली कला संस्कृतिको प्रवर्द्दन तथा जगेर्ना ।