नेपाली काङ्ग्रेसका प्रभावसाली युवा नेता एवम झापा एकको प्रतिनिधिसभा सदस्यका उम्मेद्बार विश्व प्रकाश शर्माको एमालेका अर्का उम्मेद्बार अग्नि खरेलले चरीत्र हत्या गरेको भन्दै विश्व प्रकाश शर्माको परिवारले गम्भिर ध्यानाकर्षण भएको जनाएको छ ।चुनावको समयमा आफ्नो छोरो (भतिज) विश्वप्रकाश शर्मामाथि अनर्गल प्रचार गरिएकोप्रति आफुहरुको ध्यानाकर्षण भएको काका चन्द्र भण्डारीले जनाएका छन् ।सञ्चारकर्मी तथा स्वतन्त्र वाम विश्लेषक भण्डारीले सामाजिक सञ्जालमार्फत विश्वप्रकाशसँग आफ्नो वैचारिक आस्था र विश्वास फरक रहेपनि चुनावको समयमा नानाथरिका अनर्गल प्रचारबाजी भएको भन्दै आपत्ति जनाएका हुन् ।
भण्डारीले विचार मिले गधालाई पनि गाई देख्ने र नमिले जे पनि बर्बराउनु आचारसंहिता भित्र पर्छ कि पर्दैन ? भनेर प्रश्न समेत गरेका छन् ।शर्मालाई पादरी भनेर खुइल्याउन खोजिएको भन्दै भण्डारीले आपत्ति जनाएका छन् ।उनले शर्माको शालिनता र भद्रतालाई कमजोरी नठान्न चेतावनी दिएका छन्।‘विश्वप्रकाशको शैलीबाट सिक्ने बुझ्ने कि  तथानाम गर्ने? प्रश्न गर्दै उनले लेखेका छन,‘आग्नि जीलाई आग्रह छ यस्तो हर्कतले निर्वाचन स्वस्थ हुँदैन । भेद खोतल्दै जाँदा आन्द्राभुँडी देखिन्छ भन्ने कुरा सम्बन्धित सबैमा हेक्का रहोस।’अग्नि खरेललाई क्षेत्र नम्बर १ मा पाहुना उम्मेदवार भएको भन्ने आलोचनालाई इङ्गित गर्दै भण्डारीले लेखेका छन्–‘झापामा त्यसमाथी हालको क्षेत्र नम्बर १ मा बाल्यकालदेखि नै कम्युनिष्ट आन्दोलन र प्रजातान्त्रिक आन्दोलन उठाउन केके गरियो बुझ्न चाहनुहुन्छ भने अग्नि जीलाई हार्दिक आमन्त्रण छ।’ कसैको निष्ठा, आदर्श, त्याग र बलिदानलाई होच्याउने दुष्प्रयास कसैले  नगर्न भण्डारीले चेतावनी दिएकाछन्। आफु नेपाली कांग्रेस नभएको र हुनसमेत नसक्ने तर राजनीतमा संस्कार र संस्कृतिको खडेरी पर्न थाल्दा असल मान्छे जुनसुकै दलमा आबद्ध छनभने तिनलाई जोगाउनु,उत्साहित तुल्याउनु कर्तव्य हुने भण्डारीले उल्लेख गरेका छन्।