गलकोट । पुरानो खाद्यन्न बाली कोदोलाई बागलुङमा ‘ब्रान्डिङ’ गरेर यसको पिठोबाट बिस्कुट उत्पादन गर्न थालिएको छ । घरेलु उद्योगमार्फत काठेखोला गाउँपालिका–८ लेखानीका युवा चानसिंह श्रीसले कोदोको बिस्कुट उत्पादन गरेर बिक्री गर्न थालेका हुन् ।

करिव ७ वर्षको अध्ययन र अनुसन्धान पछि श्रीसले यो सफलता हात पारेका छन् । कोदोको बिस्कुट बनाउने कम्पनी खोल्दा सुरुमा सबैले अनौठो र आस्चर्य मानेको स्मरण गर्दै भन्छन् “आफ्नो उत्पादन अहिले बजारमा जान थालेपछि धेरै स्थानीय मानिसहरुलाई गर्दा जे पनि सकिने रहेछ भन्ने रोजगारीको आत्म विस्वास जागेको छ।” श्रीसले चाडैं यो बिस्कुटलाई देशभरको बजारमा पुर्याउने लक्ष्य रहेको बताए।